వాజ్‌పేయి బస్తీమే సవాల్‌!

న్యూఢిల్లీ: సభలో అభిశంసన చర్చను చేపట్టాలనే డిమాండ్‌పై లోక్‌సభ డిప్యూటీస్పీకర్‌ పి.ఎం. సయీద్‌ మంగళవారం రూలింగ్‌ ఇస్తారు. ఈవిషయాన్ని ఆయన సోమవారం విలేకరులతో చెప్పారు. ఈ రూలింగ్‌తో వారం రోజులు కొనసాగుతున్న లోకసభ కార్యక్రమాల ప్రతిష్టంభనకు తెర పడే అవకాశాలున్నాయి.

వివిధ రాజకీయ పార్టీల నేతలతో జరిపిన సమావేశం ద్వారా ఏకాభిప్రాయం సాధన సాధ్యం కాలేదని, దీంతో తాను గుజరాత్‌ వ్యవహారంపై 184 నిబంధన కింద చర్చ చేపట్టాలనే ప్రతిపక్షాల డిమాండ్‌పై మంగళవారం రూలింగ్‌ ఇస్తానని సయీద్‌ చెప్పారు. కార్యక్రమాలేవీ చేపట్టకుండా పార్లమెంటు ఉభయ సభలు వరుసగా ఆరో రోజు వాయిదా పడిన అనంతరం ఆయనవిలేకరులతో మాట్లాడారు.