స్పీకర్‌ పై 4న బాబు నిర్ణయం

హైదరాబాద్‌ః లోక్‌ సభస్పీకర్‌ పదవికి తెలుగుదేశం పార్టీ అభ్యర్థిని బరిలోకి దించేవిషయంపై పొలిట్‌ బ్యూరోలో చర్చించి ఒక నిర్ణయం తీసుకుంటామని చంద్రబాబు ప్రకటించారు. ఈ నెల 10న లోక్‌ సభస్పీకర్‌ ఎన్నిక జరపాలని వాజ్‌ పేయి పట్టుదలతో వున్నందున ఇంతకాలం నాన్చివేత ధోరణి అవలంబిస్తున్న తెలుగుదేశంస్పీకర్‌ పదవికి పార్టీ అభ్యర్థిని బరిలోకి దించాలా లేక వదులుకోవాలా అనేవిషయాన్ని తేల్చుకోవాల్సిన పరిస్థితి ఏర్పడింది.

వివిధ కారణాల వల్ల గత రెండు నెలలుగాస్పీకర్‌ అభ్యర్థిని ఎంపిక చేసే విషయంలో తెలుగుదేశం పార్టీ తాత్సారం చేస్తున్నది. ఒకదశలోస్పీకర్‌ పదవిని వదులుకోవాలని కూడా చంద్రబాబు భావించారు. గుజరాత్‌ పరిణమాల దృష్ట్యా తెలుగుదేశం - బిజెపి సంబంధాలలోపెను మార్పులు సంభవించాయి. ఈ పరిస్థితుల్లోస్పీకర్‌ వదవిని వదులుకొనేందుకే చంద్రబాబు మొగ్గుచూపుతారని భావిస్తున్నారు. శనివారం పొలిట్‌ బ్యూరోలో చర్చించిస్పీకర్‌ పదవికి అభ్యర్థిని నిలబెట్టాలా లేదా అనేవిషయంపై ఒక నిర్ణయం తీసుకుంటామని చంద్రబాబు శుక్రవారంవిలేకర్లకు చెప్పారు. బిజెపి సొంత అభ్యర్థులపేర్లను పరిశీలిస్తున్న విషయాన్ని విలేకర్లు ప్రస్తావించగా దానిపై వ్యాఖ్యానించేందుకు చంద్రబాబు నిరాకరించారు