కరవుపై త్వరలో అఖిల పక్షం

హైదరాబాద్‌ః రాష్ట్రంలో పొంచుకుని వున్న కరవు రక్కసి గురించి చర్చించేందుకు త్వరలోనే అఖిల పక్ష సమావేశం ఏర్పాటు చేయాలని ప్రభుత్వం నిర్ణయించింది. సోమవారం సాయంత్రం జరిగిన రాష్ట్ర మంత్రివర్గ సమావేశంలో రాష్ట్రంలో నెలకొన్న వర్షాభావ పరిస్థితి గురించి చర్చించారు.

రానున్న వారం పదిరోజుల్లో వర్షాలు కురవని పక్షంలో రాష్ట్రంలో కరవు పరిస్థితి బీభత్సంగా వుండే అవకాశం వున్నదని సమావేశం ఆందోళన వ్యక్తం చేసింది.అసెంబ్లీ వర్షాకాల సమావేశాల్లో ప్రతిపక్షాలు లేవనెత్తడానికి అవకాశం వున్నఅంశాల గురంచి వాటిని తిప్పికొట్టడానికి అనుసరించాల్సి వ్యూహాల గురించి ముఖ్యమంత్రి మాట్లాడారు. అధికారంలోకి వచ్చిన తర్వాత నుంచి ముఖ్యమంత్రి ఇచ్చిన హామీలను గురించి కూడా సమావేశం సమీక్షించింది. హామీల్లో అత్యధిక భాగం అమలు చేసినట్టుగా అభిప్రాయపడింది.