2007 నాటికి ప్రత్యేక ఆర్థిక మండలి

హైదరాబాద్‌:విశాఖపట్నంలో ప్రత్యేక ఆర్థిక జోన్‌కు స్థలంసేకరించే విషయంలో బాధితులకు నష్టపరిహారం చెల్లిస్తామని భారీ పరిశ్రమల మంత్రికె. విద్యాధరరావు గురువారం శాసనసభ ప్రశ్నోత్తరాల సమయంలో చెప్పారు.విశాఖపట్నం ఓడరేవును, విమానాశ్రయాన్ని అభివృద్ధి చేస్తామని ఆయన చెప్పారు.

ప్రత్యేక ఆర్థిక జోన్‌ ఏర్పాటు రైతులకు, స్థానికులకు అన్యాయం జరగకుండా చర్యలు తీసుకోనున్నట్లు మంత్రి తెలిపారు. స్థలసేకరణ, నష్టపరిహారం చెల్లింపువిషయాల్లో ప్రభుత్వం పారదర్శకంగా వ్యవహరిస్తుందని ఆయన హామీ ఇచ్చారు. కమిటీలను ఏర్పాటు చేసి ప్రైవేట్‌ భాగస్వామ్యంతో ఈ ప్రాజెక్టును పూర్తి చేస్తామని ఆయన చెప్పారు. ఆర్థిక మండలిని 2007 నాటికి ఏర్పాటు చేయనున్నట్లు ఆయన తెలిపారు. మొదటి దశ 2003 నాటికి పూర్తవుతుందని ఆయన చెప్పారు. అంతర్జాతీయ ప్రమాణాలకు ధీటుగా ఈ జోన్‌ను అభివృద్ధి చేయనున్నట్లు ఆయన తెలిపారు. కోస్తాలో ఒక చోట సీఫుడ్స్‌ జోన్‌ను ఏర్పాటు చేస్తామని మంత్రి చెప్పారు. స్థానిక శాసనసభ్యులతో చర్చించి ప్రాజెక్టును వేగంగా అమలు చేయాలని శాసనసభ్యులు ప్రభుత్వాన్నికోరారు.