కాశ్మీర్‌ లో ప్లెబిసైట్‌ కు అమెరికా నో

వాషింగ్టన్‌ః కాశ్మీర్‌ లోప్లెబిసైట్‌ నిర్వహించాలనే పాకిస్తాన్‌ డిమాండ్‌ ను అమెరికా తిరస్కరించింది. ఐక్యరాజ్య సమితి తీర్మానానికి అనుగుణంగా కాశ్మీర్‌ లోప్లెబిసైట్‌ నిర్వహించాలని పాక్‌ చాలా కాలంగా కోరుతున్నవిషయం విదితమే. అయితే పాకిస్తాన్‌ డిమాండ్‌ ను అమెరికా త్రోసిపుచ్చింది. సివ్లూ ఒప్పందం ప్రకారం భారత పాకిస్తాన్‌ లు ఈ సమస్యను పరిష్కరించుకోవాలని అమెరికా విదేశాంగ శాఖ సహాయ మంత్రి క్రిస్టినా రోకా వాషింగ్టన్‌ లోవిలేకర్ల సమావేశంలో స్పష్టం చేశారు.

ప్రపంచ శాంతి స్థాపనలో భారత్‌ కీలకపాత్ర పోషిస్తున్నదని అమెరికా ప్రశంసించింది. పాకిస్తాన్‌ నుంచి భారత్‌ లోకి చొరబాట్లు ఇటీవల కాలంలో గణనీయంగా తగ్గాయని కూడా రోకా వ్యాఖ్యానించారు. భారత్‌ - పాక్‌ దేశాలను ప్రశంసిస్తూ పని చక్కపెట్టుకొనే ధోరణే ఆమె ప్రసంగంలో కనిపించినప్పటికీప్లెబిసైట్‌ కు ససేమిరా అనడం పాక్‌ కు శరాఘాతంగా పరిణమిస్తుందనడం నిస్సందేహం.