ప్రొటోకాల్‌ పై పోటెత్తిన కాంగ్రెస్‌

హైదరాబాద్‌ః జిల్లాల్లో అధికారులు ఏ మాత్రం ప్రొటోకాల్‌ పాటించడం లేదని కాంగ్రెస్‌ శాసనసభ్యులు ధ్వజమెత్తారు. ఈ అంశంపై శుక్రవారం అసెంబ్లీలో అరగంటకు పైగా గందరగోళ పరిస్థితి నెలకొంది. తమ నియోజకవర్గంలో తెలుగుదేశం పార్టీకి చెందిన మాజీలకు ఇచ్చిన గౌరవం స్థానిక అధికారులు ఎమ్మెల్ల్యేలకు ఇవ్వడం లేదని కాంగ్రెస్‌ ఎమ్మెల్ల్యే జె. కృష్ణారావు ఆవేదన వ్యక్తం చేశారు. అధికారులు ఏ విధంగా ప్రొటోకాల్‌ పాటించనిదీ ఆయన వివరణలతో సహా సభముందుంచారు. దీంతో కాంగ్రెస్‌ శాసనసభ్యులు ప్రభుత్వంపై విరుచుకు పడ్డారు.

ఈ అంశంపై రెవెన్యూ మంత్రిఅశోక గజపతి రాజు జోక్యం చేసుకొని ప్రొటోకాల్‌ ను విధిగా పాటించాల్సిందిగా చాలా సార్లు అధికారికంగా ప్రకటించామని,స్పీకర్‌ కూడా స్పష్టమైన రూలింగ్‌ ఇచ్చారని వివరించారు.అయినా శాంతించని కాంగ్రెస్‌ సభ్యులు స్పీకర్‌ పోడియం వద్దకు దూసుకువెళ్ళి వాగ్వివాదానికి దిగారు. ఈఅంశంపై రూలింగ్‌ ఇస్తానని స్పీకర్‌ ప్రకటించినప్పటికీ సభ్యులు శాంతించలేదు. దీంతో సభను టీవిరామానికి వాయిదా వేస్తున్నట్లు స్పీకర్‌ ప్రతిభా భారతి ప్రకటించారు.