తెలంగాణా కాంగ్రెస్‌ కమిటీ కోసం పట్టు

హైదరాబాద్‌ః ప్రత్యేకంగా తెలంగాణా కోసం కాంగ్రెస్‌ కమిటీని ఏర్పాటు చేయాల్సిందిగా తెలంగాణ కాంగ్రెస్‌ ఎమ్మెల్ల్యేల ఫోరం డిమాండ్‌ చేసింది. రాష్ట్రంలో పర్యటిస్తున్న ఎఐసిసి సభ్యుడు, ఆంధ్రప్రదేశ్‌ వ్యవహారాల ఇన్‌ ఛార్జి వయిలార్‌ రవితో ఫోరం సభ్యులు ఆదివారం సమావేశం అయ్యారు. తెలంగాణాకు ప్రత్యేకంగా పిసిసి ఏర్పాటు చేయాల్సిన అవసరాన్ని వారు నొక్కి చెప్పారు. మరోసారి రాష్ట్రాల పునర్విభజన కమిటీని ఏర్పాటు చేయాల్సిందిగా పార్లమెంటులో ఎన్డీఏ ప్రభుత్వంపై వత్తిడి తీసుకువాల్సిందిగా వారు రవినికోరారు.

తెలంగాణాకు ప్రత్యేక పిసిసి ఏర్పాటు చేసినంత మాత్రానమిగిలిన ప్రాంతాల్లో కాంగ్రెస్‌ పార్టీకి ఎటువంటి నష్టం కలగదని వారు స్పష్టం చేశారు. రాష్ట్రంలో తెలుగుదేశం పార్టీని మట్టికరిపించాలంటే ప్రత్యేక తెలంగాణా ఉద్యమాన్నిపెద్ద ఎత్తున చేపట్టాల్సిన అవసరం వున్నదని ఇంద్రకరణ్‌ రెడ్డి సారధ్యంలోని తెలంగాణా ఎమ్మెల్ల్యేలు రవికివివరించారు.