వాయలార్‌రవిపై కెసిఆర్‌ ధ్వజం

హైదరాబాద్‌: కాంగ్రెస్‌లోని తెలంగాణవాదులపై తెలంగాణ రాష్ట్ర సమితి (టిఆర్‌ఎస్‌) అధ్యక్షుడుకె. చంద్రశేఖర్‌ రావు తీవ్రంగా ధ్వజమెత్తారు. తెలంగాణ ఉద్యమాన్ని నీరు గార్చే ప్రకటన చేసిన ఆంధ్రప్రదేశ్‌ కాంగ్రెస్‌ వ్యవహారాల ఇన్‌చార్జీ వాయలార్‌ రవి తెలంగాణ ప్రజలకు క్షమాపణ చెప్పాలని ఆయన సోమవారంవిలేకరుల సమావేశంలో డిమాండ్‌ చేశారు.

తెలంగాణను అవమానించే విధంగా వాయలార్‌ రవి ప్రకటన చేసిన నేపథ్యంలో కాంగ్రెస్‌లోని తెలంగాణవాదులు బయటకు రావాలని ఆయన డిమాండ్‌ చేశారు. తెలంగాణను అవమానించడం వాయలార్‌ రవికి మంచిది కాదని ఆయన అన్నారు. తెలంగాణ పాలిట కాంగ్రెస్‌ శత్రువు అని ఆయన దుయ్యబట్టారు. కాంగ్రెస్‌ డిమాండ్‌ చేస్తున్న రాష్ట్రాల పునర్విభజన కమిషన్‌ ఏర్పాటు సాధ్యం కాదని, ఈ డిమాండ్‌ను మెడమీద పెట్టి కాంగ్రెస్‌ తెలంగాణ ఉద్యమాన్నిదెబ్బ తీస్తోందని ఆయన అన్నారు. ప్రత్యేక తెలంగాణ రాష్ట్ర ఏర్పాటుకు శాసనసభ తీర్మానం చేయాలని రవి అనడంసరైంది కాదని ఆయన అన్నారు. రాజకీయాల కోసమే కాంగ్రెస్‌ నాయకులు తెలంగాణఅంటున్నారని ఆయన వ్యాఖ్యానించారు.

చంద్రశేఖర్‌ రావు విమర్శలపై తెలంగాణ కాంగ్రెస్‌ లెజిస్లేచర్‌ ఫోరం నేత పాల్వాయి గోవర్ధన్‌ రెడ్డి ధ్వజమెత్తారు. తెలంగాణ ఉద్యమానికి అనుకూల వాతావరణం ఏర్పడిన పరిస్థితిలో చంద్రశేఖర్‌ రావు ముందుకు వచ్చారని, ప్రజలు ఇచ్చే తీర్పును అడ్డంపెట్టుకుని చంద్రబాబుతో బేరసారాలకు దిగాలనేది చంద్రశేఖర్‌ రావు ప్రయత్నమని ఆయనవిలేకరులతో అన్నారు. తెలంగాణ ఉద్యమం పట్ల చంద్రశేఖర్‌ రావుకు చిత్తశుద్ధి లేదని ఆయనవిమర్శించారు.