సందీప్‌ పాండేకు మెగసేసె అవార్డు

మనీలా: ఇండియన్‌ యాక్టివిస్టు సందీప్‌ పాండేకు ఈ ఏడాది మెగసేసే అవార్డు లభించింది. భారతదేశంలోపేదలను, అభివృద్ధికి దూరంగా ఉన్నవారిని ప్రగతిపథంలో నడిపించేందుకు చేసిన కృషికి గాను సందీప్‌ పాండేకు ఈ అవార్డు ఇచ్చినట్లు మనీలాలో సోమవారం ప్రకటించారు.

సందీప్‌తో పాటు మరో ఆరుగురికి ఈ అవార్డు లభించింది. భారతదేశంలోనిపేద పిల్లల కోసం, ప్రత్యేకంగా దళిత పిల్లల కోసంవిద్య, జీవనభృతికి సంబంధించిన ప్రాజెక్టులను అమలు చేయడానికి ఎఎస్‌హెచ్‌ఎ (హోప్‌)ను ఏర్పాటు చేసి కృషి చేశారు. ఈ అవార్డును పొందినవారిలో పిలిప్పైన్‌ఐస్‌ సుప్రీంకోర్టు ఛీఫ్‌ జస్టిస్‌ హిలిరియో డేవిడ్‌, జర్మనీలో పుట్టిన కాథలిక్‌ నన్‌ రుతు ప్ఫ్‌వా, మయన్మార్‌లో పుట్టిన సింథియా మాంగ్‌, నేపాల్‌ ప్రెస్‌ ఇనిస్టిట్యూట్‌ వ్యవస్థాపకుడు భరత్‌ కోయిరాల, బౌద్ధ సన్యాసి సుఖో చోయి ఉన్నారు.