ఎన్నికల బిల్లుపై అఖిలపక్షం

న్యూఢిల్లీః ఎన్నికల సంస్కరణలకు సంబంధించి ప్రభుత్వం రూపొందించిన ముసాయిదా బిల్లుపై శుక్రవారం నాడు అఖిలపక్ష సమావేశం జరుగుతుంది. అద్వానీ సారథ్యంలో జరిగే ఈ సమావేశంలో ముసాయిదా బిల్లులోని వివిధ అంశాలను చర్చించడంతో పాటు వివిధ పార్టీల సలహాలను తీసుకుంటారు.

ఎన్నికల్లో నేరచరితులకు ప్రవేశం లేకుండా చేసే ఉద్దేశ్యంతో నామినేషన్ల ఘట్టంలోనే అభ్యర్ధులు తమ చరిత్రనువిప్పాలని సుప్రీంకోర్టు ఆదేశించిన విషయం విదితమే. కోర్టు ఆదేశాలకు అనుగుణంగా ఎన్నికల కమిషన్‌ మార్గదర్శక సూత్రాలను జారీ చేసింది. ఈ పరిణామంపై గగ్గోలుపెట్టిన

రాజకీయ పార్టీలన్నీ ఒక్కతాటిపైకి వచ్చి, ఎన్నికల కమిషన్‌ మార్గ దర్శక సూత్రాలను వ్యతిరేకిస్తున్నట్టుగా ప్రకటించాయి. ప్రత్యామ్నాయంగా ప్రభుత్వమే చట్టం తేవాలని కూడా అన్ని పార్టీల సభ నిర్ణయించింది. ఈ మేరకు యుద్ధప్రాతిపదికన ప్రభుత్వం బిల్లును తయారు చేసింది.