చిన్నారి బలి-చలించిన బాబు

హైదరాబాద్‌ః మృత్యువు మనకు ఎంత సమీపాన వున్నదో ఊహించుకుంటే వెన్నులోనుంచి వణుకు పుడుతుంది.ట్రాన్స్‌ కో అధికారుల పుణ్యమా అని రోడ్లపై నిర్లక్ష్యంగా వదిలేసిన కరెంట్‌ తీగలు ఓ బాలిక పాలిట మృత్యుపాశమైంది. చందన బ్రదర్స్‌ వారి పాంప్లెట్స్‌ ఎరుకొనేందుకుట్రాన్స్‌ ఫార్మర్‌ సమీపంలోకి వెళ్ళిన దోమలగూడ బండానగర్‌ కు చెందిన ఎనిమిదేళ్ళ నందనికి కరెంట్‌ షాక్‌ తగిలింది. శనివారం సాయంత్రం ఈ విషాద సంఘటన జరిగింది.

భారీ వర్షం కురవడంతోవిద్యుత్‌ భూమిలోకి ప్రవేశించింది. ట్రాన్స్‌ ఫార్మర్‌ కు కంచెలేకపోవడంతో నందిని అమాయకంగాట్రాన్స్‌ ఫార్మర్‌ సమీపంలోకి వెళ్లి ప్రాణాలు కోల్పోయింది. నందిని షాక్‌ తగిలి విలవిలలాడుతుండగా అటుగా వెళుతున్న టెలివిజన్‌ ఛానల్‌ బృందం ఆవిషాద దృశ్యాన్ని చిత్రీకరించింది. నందినిని ఆస్పత్రికి తీసుకువెళ్ళినా లాభం లేకపోయింది.

ఈ విషాద దృశ్యాలను టెలివిజన్‌ లో చూసిన చంద్రబాబు నాయుడు చలించిపోయారు. వెంటనే నందిని కుటుంబానికి లక్ష రూపాయలఎక్స్‌ గ్రేషియా ప్రకటించారు. కంచెలేకుండాట్రాన్స్‌ ఫార్మర్‌ ను నిర్లక్ష్యంగా వదిలేసిన అధికారులపై చర్యకు ఆదేశించారు. లక్ష రూపాయలఎక్స్‌ గ్రేసియా ప్రకటించడం మంచిదే...ట్రాన్స్‌ కో నిర్లక్ష్యం సాక్షిగా పోయిన నందిన ప్రాణం మాత్రం తిరిగి రాదేమో?