సింగరేణి కార్మికుల సమ్మెభేరి

హైదరాబాద్‌ః సింగరేణి సంస్థలోని సుమారు లక్షమంది కార్మికులు సోమవారం నుంచి సమ్మెకు దిగుతున్నారు. 40కిపైగా డిమాండ్లపై గత నాలుగురోజులుగా ప్రభుత్వ ప్రతినిధులతో చర్చలు జరిగాయి. సింగరేణి కార్మిక నేతల డిమాండ్లను తీర్చేందుకు ప్రభుత్వం ఏ మాత్రం సుముఖంగా లేకపోవడంతో సమ్మెకు దిగక తప్పలేదని కార్మిక నేతలు చెప్పారు.

మొత్తం 40 డిమాండ్లతో కార్మిక నేతలు చర్చలు ప్రారంభించారు. వాటిలో కొన్న డిమాండ్లపై ప్రభుత్వ ప్రతినిధులు స్పందించినా పరిష్కారానికి మాత్రం ముందుకు రాకపోవడంవిచారకరం అని కార్మిక నేతలు అన్నారు. పనిభారాన్ని విపరీతంగా పెంచడంతో పాటు,విద్యుత్‌ పొదుపు పేరిట కార్మికులకు ప్రాణాంతమైన నిర్ణయాలను అధికారులు తీసుకుంటున్నారని నేతలు ఆగ్రహంవ్యక్తం చేశారు.