నల్గొండ జైలుకు దామోదర్‌ రెడ్డి

నల్గొండః బాంబుపేలుళ్ళ కేసులో అరెస్టయిన మాజీ మంత్రి, కాంగ్రెస్‌ నేతదామోదర్‌ రెడ్డిని నల్గొండ జైలుకు తరలించారు. మంగళవారం ఉదయం ఆయనను ఆరెస్టు చేసిన పోలీసులు సూర్యాపేట కోర్టులోహాజరు పరిచారు. ఈ నెల 20 వరకు ఆయనను రిమాండ్‌ కు పంపుతూ న్యాయమూర్తి తీర్పు చెప్పారు. అనంతరం పోలీసులు ఆయనను నల్గొండ జైలుకు తరలించారు.

తెలుగుదేశం ప్రభుత్వం రాజకీయ కక్షతో తనను ఈ కేసులో ఇరికించిందని, ఇప్పుడుఅరెస్టు కూడా చేయించిందని దామోదర్‌ రెడ్డి విమర్శించారు. దామోదర్‌ రెడ్డిఅరెస్టు కాంగ్రెస్‌ వర్గాల్లో కలవరం కలిగించింది. ప్రభుత్వం కుట్రపన్ని దామోదర్‌ రెడ్డినిఅరెస్టు చేసిందని కాంగ్రెస్‌ ధ్వజమెత్తింది. ఈ వ్యవహారంపైపెద్దఎత్తున ఉద్యమం చేపట్టాలని కాంగ్రెస్‌ సన్నాహం చేస్తున్నది.