కాంగ్రెస్‌ దేశవ్యాప్త ఉద్యమం

న్యూఢిల్లీః పెట్రోల్‌ పంపుల స్కామ్‌ వ్యవహారాన్ని ప్రభుత్వం ప్రతిపక్షాలు కూడా ప్రతిష్టాత్మకంగా తీసుకోవడంతో ఈ వ్యవహారం కొత్త పుంతలు తొక్కుతున్నది. 1983 నుంచి పెట్రోల్‌ బంకులు, గ్యాస్‌ ఏజెన్సీల్లో అనుసరించిన విధానాలను బట్టబయలు చేయాలని 20 ఏళ్లలో జరిగిన కేటాయింపులపై దర్యాప్తు జరపాలని బిజెపి ఎంపీలు డిమాండ్‌ చేస్తున్నారు. దాదాపు 50 మంది ఎంపీలు ఈ విషయంలో ఇతర ఎంపీల నుంచి సేకరించిన సంతకాలతో ప్రధానికి ఒక వినతి పత్రం ఇవ్వడానికి సన్నద్ధం అవుతున్నారు.

పెట్రోల్‌ బంకుల కోసం తనకు సిఫారసు చేసిన పలువురువిపక్ష నేతల లేఖలను పెట్రోలియం శాఖ మంత్రి రామ్‌ నాయక్‌ బయటపెట్టారు.పెట్రోల్‌ పంపుల స్కామ్‌లో తమ పాత్రను దాచిపెట్టడం అసాధ్యమని నిర్ధారణకు వచ్చిన బిజెపి నేతలు తమకంటే ముందు అధికారంలో వున్న కాంగ్రెస్‌ ఇతర పక్షాలు కూడా అవినీతికి పాల్పడ్డాయని ఆరోపిస్తున్నది. అదేవిషయం ఆధారాలతో సహా బయటపెడితే ప్రతిపక్షాలనుఇరుకున పెట్టవచ్చని బిజెపి నేతలు భావిస్తున్నారు. అయితే బిజెపి చర్యతో మరింత రెచ్చిపోయిన ప్రతిపక్షాలు గత నాలుగేళ్లలో ఎన్‌డిఎ నేతల అవినీతి బండారాన్ని పూర్తిగా బట్టబయలు చేసే కార్యక్రమాన్ని చేపట్టింది. ఈ నెల 16 నుంచి ఎన్‌డిఎ అవినీతికి వ్యతిరేకంగా దేశవ్యాప్త ఉద్యమం చేయనున్నట్టుగా ఎఐసిసి ప్రకటించింది.పెట్రోల్‌ పంపులను రద్దు చేసిన ప్రభుత్వం ఈ రద్దు చట్ట బద్దం చేయాలంటే దర్యాప్తునకు ఆదేశించాలని కాంగ్రెస్‌ ప్రతినిధి జైపాల్‌రెడ్డి అన్నారు. తప్పుఅంగీకరించిన ప్రభుత్వం రామ్‌నాయక్‌ను పదవిలోంచి తప్పించాలని కూడా ఆయన తెలిపారు. అంతవరకు కాంగ్రెస్‌విశ్రమించదని ఆయన స్పష్టం చేశారు.