చంద్రబాబుతో సిఎల్‌పి భేటీ

హైదరాబాద్‌ః కడప జిల్లా పెండింగ్‌ ప్రాజెక్టులపై సిఎల్‌పి నేతలు స్థానిక నేతలతో కలసి బుధవారం నాడు ముఖ్యమంత్రి చంద్రబాబునాయుడును కలుసుకున్నారు. కడపజిల్లా అఖిలపక్ష సమావేశంలో చేసిన తీర్మానాలను వారు ముఖ్యమంత్రి దృష్టికి తీసుకువెళ్లారు.

గండికోట, గాలేరు, హంద్రీ నీవా ప్రాజెక్టులు, జరికోన రిజర్వాయర్‌ తో పాటు కెసి కెనాల్‌ ఆధునీకరణవిషయాన్ని ముఖ్యమంత్రి దృష్టికి తీసుకువెళ్లినట్టుగా సిఎల్‌పి నేత వైఎస్‌ చెప్పారు. కడప జిల్లాలో ఎనిమిది మండలాలను కరవు మండలాలుగా ప్రకటించకపోవడం పట్ల జిల్లా అఖిలపక్షం వ్యక్తం చేస్తున్న ఆందోళన కూడా ముఖ్యమంత్రికివివరించారు. ఇతర జిల్లాల్లో కూడా ఆయా జిల్లాల సమస్యలపై అఖిలపక్ష సమావేశాలు నిర్వహించి పెండింగ్‌ హామీల అమలుకు ప్రభుత్వంపై వత్తిడి తేనున్నట్టుగా వైఎస్‌ చెప్పారు.