అభివృద్ధే అసలైన సవాలు

న్యూఢిల్లీః దేశాన్ని దాస్య శృంఖలాల నుంచి విముక్తి చేయడమే ఏకైక లక్ష్యంగా స్వాతంత్ర్య సంగ్రామం సాగిందని ఇప్పుడు అదేవిధంగా దేశాన్ని వర్ధమాన రాజ్యం నుంచి అభివృద్ధి చెందిన సంపన్న రాజ్యంగా మార్చే ఏకైక లక్ష్యంతో మరో మహోద్యమం చేపట్టాల్సిన అవసరం వున్నదని రాష్ట్రపతి అబ్దుల్‌ కలాం పిలుపు నిచ్చారు.

దేశ 56వ స్వాతంత్ర్య దినోత్సవం సందర్భంగా బుధవారం రాత్రి జాతినుద్దేశించి ఆయన ప్రసంగించారు. అహింస, పరమతసహనానికి విఘాతం కలిగితేస్వేచ్ఛాయుత భారతం పురోగతికి అంతకంటే ప్రమాదం మరోటి లేదని ఆయన అన్నారు. జమ్మూకాశ్మీర్‌ భారత్‌లో అంతర్భాగమని దానిని అంతర్జాతీయ సమస్యగా చిత్రించడాన్ని భారత్‌ సహించదని ఆయనపేర్కొన్నారు. సరిహద్దు ఉద్రిక్తతలు పూర్తిగా సద్దుమణిగితే పాక్‌తో ద్వైపాక్షిక చర్చలకు భారత్‌ సిద్ధమని ఆయన చెప్పారు. భారత ప్రజలు జమ్మూ కాశ్మీర్‌లో వున్నా మరో రాష్ట్రంలో వున్నా వారి మధ్య విద్వేషాలు మాత్రం వుండకూడదని వాటిని మనం నిర్మూలించాలని ఆయన పిలుపునిచ్చారు. వేలాది మంది అమరుల త్యాగఫలితంగా అవతరించినస్వతంత్ర భారతాన్ని దెబ్బతీసే ప్రయత్నాలు ఎవరు చేసినా సహించరాదని ఆయన అన్నారు.