కాశ్మీర్‌ బంద్‌- స్తంభించిన జనజీవనం

శ్రీనగర్‌: హురియత్‌ కాన్ఫరెన్స్‌ బంద్‌ సందర్భంగా శనివారం రెండో రోజు కూడా కాశ్మీర్‌ లోయలో సాధారణ జనజీవనం స్తంభించింది. ఎలక్టోరల్‌ ఫొటో గుర్తింపు కార్డుల జారీలో భద్రతా బలగాల తీరుకు నిరసనగా హురియత్‌ కాన్ఫరెన్స్‌ బంద్‌కు పిలుపునిచ్చింది.

దుకాణాలను, వాణిజ్య సంస్థలను, ప్రయివేట్‌ కార్యాలయాలను మూసివేశారు. ప్రభుత్వ కార్యాలయాల్లోహాజరు పలుచగా ఉంది. రవాణా సౌకర్యాలు కూడా అంతంత మాత్రంగానే ఉన్నాయి. ప్రస్తుతం ఉన్న గుర్తింపు కార్డులను అంగీకరించడానికి నిరాకరిస్తూ కొత్త ఫొటో గుర్తింపు కార్డులు ఉండాలని భద్రతా బలగాలు డిమాండ్‌ చేస్తుండడాన్ని హరియత్‌ కాన్ఫరెన్స్‌ తప్పు పడుతోంది.