ప్రత్యూష కేసు వాయిదా

హైదరాబాద్‌ః రాష్ట్రవ్యాప్తంగా సంచలనం సృష్టించిన సినీనటి ప్రత్యూష మృతి కేసును రాష్ట్ర హైకోర్టు వచ్చేవారానికి వాయిదా వేసింది. ప్రత్యూష కేసులో సిబిఐ దాఖలు చేసిన నివేదికను పరిశీలించిన కోర్టు దర్యాప్తుపై అసంతృప్తి వ్యక్తం చేసి తిరిగి తమ మార్గదర్శక సూచనలకు అనుగుణంగా దర్యాప్తు జరపాలని ఆదేశించారు.

కోర్టు ఆదేశాల మేరకు సిబిఐ బృందం తిరిగి దర్యాప్తు జరిపింది. ఈ దర్యాప్తు నివేదిక పై శుక్రవారం నాడువిచారణ జరగాల్సివుండగా న్యాయమూర్తి జస్టిస్‌ రోహిణిసెలవులో వున్న కారణంగా కేసును వచ్చేవారానికి వాయిదా వేశారు. ప్రత్యూష కేసును జస్టిస్‌ మోతిలాల్‌ నాయక్‌, జస్టిస్‌ రోహిణితో కూడిన ధర్మాసనంవిచారిస్తున్న విషయం విదితమే.