కాలుష్యనివారణటాస్క్‌ ఫోర్స్‌ కు శ్రీకారం

హైదరాబాద్‌ః దేశంలోనే మొట్టమొదటి సారిగా కాలుష్య నివారణటాస్క్‌ ఫోర్స్‌ కు ముఖ్యమంత్రి చంద్రబాబు నాయుడు శనివారంశ్రీకారం చుట్టారు. టాస్క్‌ ఫోర్స్‌ లో భాగంగా కంప్యూటీకరించిన ఐదు కాలుష్య నివారణ వాహనాలను ముఖ్యమంత్రి చంద్రబాబు నాయుడు ప్రారంభించారు. పచ్చదనం - పరిశుభ్రం కార్యక్రమంలో భాగంగా శనివారం ఆయన పలు కార్యక్రమాలలో పాల్గొన్నారు. దేశంలోనే మొట్టమొదటి సారిగా ఈ తరహా మొబైల్‌ కాలుష్య నివారణటాస్క్‌ ఫోర్స్‌ ప్రవేశపెడుతున్నట్లు చంద్రబాబు నాయుడు చెప్పారు.

రాష్ట్రరాజధానిలోటాస్క్‌ ఫోర్స్‌ కాలుష్య నివారణకు అన్ని చర్యలు తీసుకుంటామని ఆయన చెప్పారు. ఎక్కడ కాలుష్యం వున్నా ఈ వాహనాలు అక్కడికి చేరుకొని తగిన చర్యలు తీసుకుంటాయని, నగరంలో నానాటికీపెరిగిపోతున్న కాలుష్యాన్ని అరికట్టే లక్ష్యంతో ఆధునిక సౌకర్యాలతో దీనిని ప్రారంభించామని ఆయన చెప్పారు.