స్థానిక సంస్థలనుమింగేస్తున్న బాబు

హైదరాబాద్‌ః తెలుగుదేశం ప్రభుత్వం హయాంలో స్థానిక సంస్థలు పూర్తిగా నిర్వీర్యంఅయిపోతున్నాయని ప్రతిపక్షాలు ఆందోళన వ్యక్తం చేశాయి. స్థానిక సంస్థల హక్కులపై సోమవారం రాజధానిలో అన్ని ప్రతిపక్ష నేతలతో ఓ సమావేశం నిర్వహించారు. ఈ కార్యక్రమంలో కాంగ్రెస్‌ నేత రోశయ్య, సిపిఐ నేత సురవరం సుధాకర్‌ రెడ్డి, లోక్‌ సత్తా కన్వీనర్‌ జయప్రకాష్‌ నారాయణ తదితరులు ప్రసంగించారు.

అన్ని విభాగాలకు కమిటీలు వేస్తూ స్థానిక సంస్థలను ప్రభుత్వం నీరుకారుస్తున్నదని రోశయ్య ధ్వజమెత్తారు.విద్యా కమిటీలు, పేరెంట్స్‌ కమిటీలు, నీటి కమిటీలు..... ఇలా అన్నిటికీ కమిటీలుపెట్టి స్థానిక సంస్థల హక్కులు హరించే అధికారం రాష్ట్రప్రభుత్వానికి లేదని లోక్‌ సత్తా కన్వీనర్‌ జయప్రకాష్‌ నారాయణ అన్నారు. స్థానిక సంస్థలకు హక్కులు బదలాయించకపోతే రాష్ట్రవ్యాప్తంగా ఉద్యమం తప్పదని వామపక్ష నేతలు ఈసందర్భంగా హెచ్చరించారు.