ప్రత్యూషకేసు: రెండు వారాల్లో నివేదిక

హైదరాబాద్‌: సినీ నటి ప్రత్యూష మృతి కేసులో తుది నివేదికను రెండు వారాల్లో సమర్పించాలని రాష్ట్ర హైకోర్టు డివిజన్‌ బెంచ్‌ కేంద్ర దర్యాప్తు సంస్థ(సిబిఐ)ని సోమవారం ఆదేశించింది. సీనియర్‌ న్యాయమూర్తి మోతీలాల్‌ బి. నాయక్‌, జస్టిస్‌ జి. రోహిణిలతో కూడిన డివిజన్‌ బెంచ్‌ ఈ ఆదేశాలు జారీ చేసింది.

ఈ కేసులో సిడిఎఫ్‌డి నుంచి తమకు మరో నివేదికఅందాల్సి ఉన్నదని, అది అందిన వెంటనే తుది నివేదికను కోర్టుకు సమర్పిస్తామని, ఇందుకు రెండు వారాల వ్యవధి కావాలని సిబిఐ చెప్పింది. సిబిఐ కోరిక మేరకు కోర్టు రెండు వారాల వ్యవధి ఇచ్చింది. తదుపరివిచారణ కోసం కేసును ఈ నెల 29వ తేదీకి వాయిదా వేసింది.