నక్సల్స్‌ చెరలో 5గురు పోలీసులు

విశాఖపట్నం/ హైదరాబాద్‌: నక్సల్స్‌ చెరలో ఐదుగురు పోలీసులు ఉన్నారు.విశాఖపట్నం జిల్లా అనకాపల్లి పట్టణ, చోడవరం పోలీసుస్టేషన్లపై నక్సల్స్‌ దాడి చేసి వాటిని పేల్చివేయడంతో పాటు ఐదుగురు పోలీసులను తమ వెంట తీసుకెళ్లారు. వారి జాడ శనివారం సాయంత్రానికి కూడా తెలియరాలేదు.పి. రమణ, చిట్టిబాబు, వెంకట్రావ్‌, అప్పారావు, శ్రీధర్‌ అనే పోలీసులు నక్సల్స్‌ చెరలో ఉన్నట్లు సమాచారం.వీరి కోసం కుటుంబ సభ్యులు, స్థానికులు తీవ్ర ఆందోళన వ్యక్తం చేస్తున్నారు.అపాయం తలపెట్టకుండా వారిని వదిలిపెట్టాలని నక్సల్స్‌కువిజ్ఞప్తి చేస్తున్నారు.

ఇదిలా ఉంటే, సంఘటనా స్థలానికి పోలీసు డైరెక్టర్‌ జనరల్‌పేర్వారం రాములు, ఇతర ఉన్నతాధికారులు వెళ్లినట్లు హోం మంత్రి టి. దేవేందర్‌ గౌడ్‌ శనివారం హైదరాబాద్‌లోవిలేకరులకు చెప్పారు. ఇటువంటి సంఘటనలు పునరావృతం కాకుండా కట్టుదిట్టమైన భద్రతా ఏర్పాట్లు చేయనున్నట్లు ఆయన తెలిపారు. పోలీసుల విడుదల కోసం తగిన చర్యలు తీసుకుంటున్నామని ఆయన చెప్పారు.

నక్సలైట్లు కిడ్నాప్‌ చేసి తీసుకువెళ్ళిన కానిస్టేబుళ్ళ కోసం పోలీసులు తీవ్రంగాగాలిస్తున్నారు. శుక్రవారం అర్థరాత్రి 30 మంది నక్సలైట్లు మెరుపుదాడి చేసిఅనకాపల్లి, చోడవరం పోలీస్టేషన్లను పేల్చివేసినసంఘటనతో విశాఖ ఉలిక్కిపడింది. నక్సలైట్లు ఇంతకు తెగిస్తారనిఊహించని పోలీసులు ఈ సంఘటనతోనిర్ఘాంతపోయారు. నక్సలైట్లు వ్యూహం ప్రకారం పోలీస్టేషన్లనుపేల్చివేసిన తీరు చూసి పోలీసులు అవాక్కవుతున్నారు. జన సంచారంవుండగానే ఇంతటి సాహసానికి ఒడిగట్టిననక్సలైట్లు తమకు సవాలు విసిరారని పోలీసులు భావిస్తున్నారు.ఆయుధాలను ఎత్తుకుపోవడంతో పాటు ముగ్గురు పోలీసులను కూడా నక్సలైట్లుఅపహరించుకుపోవడంతో పోలీసులు దిగ్భ్రాంతికి లోనయ్యారు. నక్సలైట్లు చెరనుంచి పోలీసులను విడిపించి ప్రజలలో తమ పరువు నిలుపుకొనేందుకు పోలీసులు తంటాలు ప్రారంభించారు.