క్రికెట్‌: ఇంగ్లాండు ఫాలోఆన్‌

లీడ్స్‌: భారత్‌తో జరుగుతున్న మూడో టెస్టు మ్యాచ్‌లో ఇంగ్లాండు ఫాలో ఆన్‌ తప్పించుకోలేకపోయింది. భారత్‌ తన తొలి ఇన్నింగ్స్‌లో ఎనిమిదివికెట్లు కోల్పోయి 628 పరుగుల భారీ స్కోర్‌ చేసింది. అనంతరం బ్యాటింగ్‌లోకి దిగిన ఇంగ్లాండు తన తొలి ఇన్నింగ్స్‌లో 273 పరుగులు మాత్రమే చేసింది.

శనివారం మూడో రోజు ఆట ముగిసే సమయానికి తొమ్మిదివికెట్లు కోల్పోయి ఇంగ్లాండు 273 పరుగులు చేసింది. ఈ ఓవర్‌నైట్‌ స్కోర్‌తో ఆదివారం మైదానంలోకి దిగిన ఇంగ్లాండు బ్యాట్స్‌మెన్‌ మరో తొమ్మిది పరుగులు మాత్రమే జోడించగలిగారు. మైకెల్‌ వాఘన్‌ 61 పరుగులు చేయగాస్టీవార్ట్‌ 78 పరుగులు చేసి నాటౌట్‌గా మిగిలాడు. వీరిద్దరు మాత్రమే భారత్‌ బౌలింగ్‌ ముందు నిలదొక్కుకోగలిగారు. అనుకున్నట్లుగా భారత స్పిన్నర్లు ఇంగ్లాండు బ్యాటింగ్‌నుదెబ్బ తీశారు. జహీర్‌ఖాన్‌, అజిత్‌ అగార్కర్‌ రెండేసివికెట్లు తీసుకోగా, అనిల్‌ కుంబ్లే, హర్బజన్‌సింగ్‌లు మూడేసివికెట్లు పడగొట్టారు. నాలుగో రోజు ఇంగ్లాండు రెండో ఇన్నింగ్స్‌ ప్రారంభించింది. లంచ్‌కు ముందే ఇంగ్లాండు ఒకవికెట్‌ను కోల్పోయి కష్టాల్లో పడింది.