సోనియాపై జనా ధ్వజం

చెన్నై: భారతీయ జనతా పార్టీ (బిజెపి) నేతృత్వంలోని జాతీయ ప్రజాస్వామ్య కూటమి (ఎన్‌డిఎ) ప్రభుత్వం గొంతు వరకు అవినీతిలో ఊబిలో కూరుకుపోయిందని కాంగ్రెస్‌ అధ్యక్షురాలు సోనియా గాంధీ చేసిన వ్యాఖ్యపై కేంద్ర న్యాయశాఖ మంత్రి జనా కృష్ణమూర్తి తీవ్రంగా ధ్వజమెత్తారు. అద్దాల మేడలో జీవించేవారు రాళ్లు విసరడం సరి కాదని ఆయన అన్నారు.

బోఫోర్స్‌ డీల్‌కు పాల్పడిన కాంగ్రెస్‌కు ఇతర పార్టీల గురించి మాట్లాడే అర్హత లేదని ఆయన అన్నారు. చెన్నైవిమానాశ్రయంలో శనివారం రాత్రి విలేకరులతో ఆయన ఇష్టాగోష్టిగా మాట్లాడారు. ఎన్నికల సంస్కరణల ఆర్డినెన్స్‌విషయంలో రాష్ట్రపతికి, ప్రభుత్వానికి మధ్య విభేదాలు లేవని ఆయన స్పష్టం చేశారు.