ఎమ్మెస్సార్‌ సోదరుడి భూకబ్జా

కరీంనగర్‌: ప్రదేశ్‌ కాంగ్రెస్‌ కమిటీ (పిసిసి) అధ్యక్షుడు ఎం. సత్యనారాయణ రావు సోదరుడు అయోధ్యరామారావు భూకబ్జాకు పాల్పడినట్లు భారతీయ జనతా పార్టీ (బిజెపి) కార్యవర్గ
సభ్యుడు వి. వెంకటనారాయణ ఆరోపించారు. కరీంనగర్‌ పట్టణంలోని విలువైన భూమిని అయోధ్య రామారావు కబ్జా చేశారని, ఆ భూముల్లో విద్యాసంస్థలు నెలకొల్పారని ఆయన బుధవారం విలేకరుల సమావేశంలో అన్నారు.

అయోధ్య రామారావు 1980 నుంచి నాలుగు దశల్లో ఈ భూములను అక్రమంగా ఆక్రమించారని, సత్యనారాయణరావు పార్టీలో వివిధ పదవులు నిర్వహించిన సందర్భాల్లో ఈ భూకబ్జా జరిగినందని ఆయన అన్నారు. ప్రస్తుతంకూడా ఈ భూకబ్జా చోటు చేసుకుందని ఆయన అన్నారు. మొత్తం ఆరు కోట్లవిలువ చేసే భూమిని అయోధ్య రామారావు కబ్జా చేసినట్లు ఆయన తెలిపారు.