టీచర్ల పికెటింగ్‌లు- వందల మందిఅరెస్టు

హైదరాబాద్‌: తమ పెండింగ్‌ సమస్యలను పరిష్కరించాలని డిమాండ్‌ చేస్తూ రాష్ట్ర వ్యాప్తంగా పికెటింగ్‌లు నిర్వహించిన వందలాది మంది ఉపాధ్యాయులను బుధవారం పోలీసులు అదుపులోకి తీసుకున్నారు. శ్రీకాకుళంలో టీచర్లపై పోలీసులు లాఠీచార్జీ చేశారు.

హైదరాబాద్‌లోని రంగారెడ్డి జిల్లా కలెక్టరేట్‌ ముందు ఉపాధ్యాయులు పికెటింగ్‌ నిర్వహించారు. సిబ్బందిని లోనికి వెళ్లనీయకపోవడంతో పోలీసులు టీచర్లను అదుపులోకి తీసుకున్నారు. పెండింగ్‌లో తమ 22 డిమాండ్లు తీరే వరకు ఆందోళన కొనసాగిస్తామని జెసిటిఎ నేత ఎన్‌. నారాయణ చెప్పారు. అనంతపురంలో పికెటింగ్‌ చేస్తున్న 500 మంది టీచర్లను పోలీసులుఅరెస్టు చేశారు. గుంటూరులో జెసిటిఎ కో- కన్వీనర్‌ లక్ష్మారెడ్డిపై పోలీసుల దురుసుగా ప్రవర్తించడంతో ఉద్రిక్తత నెలకొంది. కరీంనగర్‌లో టీచర్లకు, పోలీసులకు మధ్య ఘర్షణ వాతావరణం చోటు చేసుకుంది.శ్రీకాకుళంలో పికెటింగ్‌ చేస్తున్న టీచర్లపై పోలీసులు లాఠీచార్జి చేశారు. ఈ సందర్భంగా ఉపాధ్యాయుల నాయకుడొకరు గాయపడ్డారు.