వెంకయ్యకు చంద్రబాబు క్లీన్‌ చిట్‌

న్యూఢిల్లీః భూఆక్రమణ కుంభకోణంలో చిక్కుకొన్న బిజెపి జాతీయ అధ్యక్షుడు వెంకయ్య నాయుడికి ముఖ్యమంత్రి చంద్రబాబు నాయుడు క్లీన్‌ చిట్‌ ఇచ్చారు. బిజెపి అధ్యక్షుడు చట్టప్రకారమే భూమిలేని నిరుపేదలకు ఉద్దేశించిన భూమిని తీసుకున్నారని చంద్రబాబు బుధవారం రాత్రి కొత్త ఢిల్లీలోవిలేకర్లతో అన్నారు. వెంకయ్య నాయుడికి అప్పట్లో అధికారంలో వున్న కాంగ్రెస్‌ పార్టీ భూమిని కేటాయించింది.... ఇప్పుడు ఆయనపై చర్యతీసుకోమంటూ కాంగ్రెస్‌ వారు తెలుగుదేశం ప్రభుత్వంపై ఒత్తిడి తీసుకురావడం విడ్డారంగా వున్నదని చంద్రబాబు అన్నారు.

నిరుపేదలకు చెందే భూమిని వెంకయ్య నాయుడు తీసుకోవడం చట్టప్రకార చర్య ఎలా అవుతుందనివిలేకర్లు ప్రశ్నించగా బాబు సమాధానం దాటవేశారు. భూమివాపస్‌ చేసినందున వెంకయ్య నాయుడిపై చర్య తీసుకోవలసిన అవసరం లేదని కూడా చంద్రబాబు స్పష్టం చేశారు. అడ్డదారిలో భూమిని తీసుకొని, 25 ఏళ్ళ పాటు భూమిని అనుభవించిన వెంకయ్య నాయుడిపైవిచారణ గానీ, చర్యకానీ అవసరం లేదని చంద్రబాబు తేల్చి చెప్పేశారు. కేంద్రంతో మంచిగా వుండాలంటే చంద్రబాబుకు వెంకయ్యనాయుడ్ని సమర్ధించక తప్పని సరి పరిస్థిది. పార్టీ పరిస్థితి అంతంతమాత్రంగా మారుతుండడంతో వచ్చేఅసెంబ్లీ ఎన్నికల్లో బిజెపి లేనిదే తెలుగుదేశం పార్టీ ఒంటరి పోరాటం చేసే పరిస్థితిలో లేదు.అందుకే చంద్రబాబు రిస్క్‌ తీసుకొని వెంకయ్య నాయుడ్ని సమర్థించారని ఢిల్లీ వర్గాలుఅంటున్నాయి.