జయమ్మా... కాస్త తగ్గమ్మాః వై.ఎస్‌

కర్నూలుః తమిళనాడు ముఖ్యమంత్రి జయలలితకు సోనియా గాంధీనివిమర్శించే స్థాయి లేదని సి.ఎల్‌.పి. నేత వై.ఎస్‌. రాజశేఖర రెడ్డి ధ్వజమెత్తారు. ప్రపంచనేతలు ఎందరో సోనియా గాంధీని ప్రశంసించారని, ఎంతోకాలంగా పార్టీని ఆమె సమర్థంగా నడుపుతున్నారని గురువారం కర్నూలులోవిలేకర్లతో
మాట్లాడుతూ వై.ఎస్‌. చెప్పారు.

వ్యక్తిగత ప్రయోజనలాలకోసం, బిజెపికి దగ్గర కావాలనే కాంక్షతో ఆమె సోనియాపై అనవసరమైన ఆరోపణలు చేస్తున్నారని వై.ఎస్‌.విమర్శించారు. సోనియా విదేశీయురాలని, ఆమె ప్రధాని పదవికి తగరని జయ ఢిల్లీలో ఆరోపించినవిషయం విదితమే. అవినితి కేసుల నుంచి ఎన్టీఏ ప్రభుత్వం తనను బయటపడేస్తుందనే ఉద్దేశ్యంతోనే జయ కాంగ్రెస్‌ సారధిపై దుమ్మెత్తిపోశారని వై.ఎస్‌. ఎదురుదాడికి దిగారు.