బాబుపై కాంగ్రెస్‌ వినూత్న నిరసన

తిరుపతిః చంద్రబాబు నాయుడు ఏడేళ్ళ పాలనకు నిరసనగా కాంగ్రెస్‌ పార్టీ ఆదివారం తిరుపతిలో వినూత్న నిరసన తెలిపింది. కాంగ్రెస్‌ పార్టీ కార్యదర్శి కరుణాకర్‌ రెడ్డి సారధ్యంలో తిరుపతిలో భారీ ప్రదర్శన జరిగింది. ఏడేళ్ళ చంద్రబాబు పరిపాలనలో అన్ని ఛార్జీలుపెరిగాయని, రుణభారం కూడా పెరిగిందని నినాదాలిస్తూ గాడిదలపై బస్తాలు వేసి ఊరేగించారు.

చంద్రబాబు నాయుడు హయాంలో ప్రచార ఆర్భాటం,అప్పులు తప్ప సామాన్యుడికి మరే ప్రయోజనం చేకూరలేదని కాంగ్రెస్‌ నాయకులు నినాదాలు ఇచ్చారు. చంద్రబాబు నాయుడు సొంతజిల్లా లో వినూత్నంగా జరిగిన ఈ నిరసన ప్రదర్శన ప్రజలనువిశేషంగా ఆకట్టుకుంది. పేదలకు ఇచ్చిన బియ్యాన్ని తెలుగు తమ్ముళ్ళు మింగుతున్నాయని, వేల కోట్ల రూపాయలను ప్రపంచబ్యాంక్‌ నుంచిఅప్పులు తెచ్చిన చంద్రబాబు ప్రభుత్వం ఇంతవరకు రాష్ట్రపురోభివృద్ధికి తోడ్పడే ఒక్క ప్రాజెక్టు కూడా చేపట్టలేదని కాంగ్రెస్‌ నేతలుఆరోపించారు.