సత్యం రాజు, అంజిరెడ్డికి సన్మానం

హైదరాబాద్‌ః ఆంధ్రప్రదేళ్‌ లో అమెరికా పెట్టుబడులుపెంపొందించేందుకు ప్రస్తుతం అనువైన వాతావరణం నెలకొని వున్నదని గవర్నర్‌ డాక్టర్‌ రంగరాజన్‌ అన్నారు. ఇండో - అమెరికన్‌ ఛాంబర్‌ ఆఫ్‌ కామర్స్‌ సారధ్యంలో ఆదివారం హైదరాబాద్‌ లో జరిగిన కార్యక్రమంలో ఆయన ప్రసంగించారు. అమెరికాలో భారత సంతత నానాటికి పెరుగుతున్నదని, రాష్ట్ర అభివృద్ధిపై కూడా వారంతా దృష్టి సారించాలని రంగరాజన్‌ అన్నారు. రాష్ట్రంలో మౌలిక రంగం అభివృద్ధికి తీసుకుంటున్న చర్యల గురించి ఈ కార్యక్రమంలో పాల్గొన్న రాష్ట్ర భారీ పరిశ్రమల శాఖ మంత్రి కోటగరి విద్యాధర రావు అన్నారు.

ఈ కార్యక్రమంలో సత్యం సాఫ్ట్‌ వేర్‌ కంపెనీ అధినేత రామలింగరాజు, రెడ్డీస్‌ లేబొరెటరీ అధినేత అంజిరెడ్డికి సన్మానం జరిగింది. ఈ సందర్భంగా రామలింగరాజు మాట్లాడుతూ వ్యాపార కార్యకలాపాల నిర్వహణకు అమెరికా ఎంతో అనుకూలంగా వున్నదని,అందుకే అక్కడ వ్యాపారాన్ని విస్తరిస్తున్నామన్నారు. గ్లోబలైజేష్‌ వల్లమిగిలిన ఆసియా దేశాలకన్నా భారత దేశానికి ఎంతో మేలు జరుగుతున్నదని రెడ్డీస్‌ లేబొరెటరీస్‌ అధినేత అంజిరెడ్డిఅన్నారు.