భారత క్రికెటర్ల కు ఐసిసి మరింతగడువు

దుబాయ్‌ః శ్రీలంకలో జరిగేమినీ వరల్డ్‌ కప్‌ లో పాల్గొనేందుకు భారత క్రీడాకారులు చేసిన ప్రతిపాదనను ఐసిసి త్రోసిపుచ్చింది. కావాలంటే మరి కొంత గడువు తీసుకోవాలని, ఐసిసి షరతులకుఅంగీకరించాల్సిందేనని ఐసిసి తేల్చిచెప్పింది. దుబాయ్‌ లో శనివారం జరిగిన ఐసిసి ఎగ్జిక్యుటివ్‌ సమావేశం అనంతరం చైర్మన్‌ మాల్కం గ్రే ఈవిషయం వెల్లడించారు. టోర్నీకి నెల ముందు... నెల తరువాత తాము స్పాన్సర్‌ చేసిన కంపెనీ లోగోలు మాత్రమే ధరించాలని ఐసిసి చెబుతుండగా భారత ఆటగాళ్ళు టోర్నీ జరిగే 18 రోజులు ఐసిసి చెప్పిన లోగోలు ధరించేందుకుఅంగీకరించింది.

ఆటగాళ్ళ ప్రతిపాదనకు తలొగ్గేది లేదని ఐసిసి స్పష్టం చేసింది. ద్వితీయ శ్రేణి జట్టును పంపినాఅంగీకరించేది లేదని ఐసిసి తేల్చి చెప్పింది. దీంతో ఐసిసి ప్రతిపాదనకు తలొగ్గడమా లేక శ్రీలంక టోర్నీ నుంచి తప్పుకొని యావత్‌ ప్రపంచంవిమర్శలను ఎదుర్కోవడమా అనేది భారత క్రికెటర్లు నిర్ణయించుకోవాల్సి వుంది. ఆటగాళ్ళతో సంప్రదించకుండా ఐసిసి ఒప్పందం సంతకాలు చేసిన బిసిసిఐ సారధి దాల్మియా ఇప్పుడు నేను కోవలం పోస్ట్‌ మాన్‌ నే అను చేతులెత్తేయడంతో ఆటగాళ్ళ ప్రాణంమీదకు వచ్చింది.