వీరప్పన్‌ వేటకు ఎన్‌ఎస్‌జి కమెండోలు

బెంగుళూర్‌: మాజీ మంత్రి హెచ్‌. నాగప్పను కిడ్నాప్‌ చేసిన అడవి దొంగవీరప్పన్‌ను బంధించేందుకు స్పెషల్‌ టాస్క్‌ ఫోర్స్‌ (ఎస్‌టిఎఫ్‌)కు తోడుగా నేషనల్‌సెక్యూరిటీ గార్డ్‌ (ఎన్‌ఎస్‌జి)కి చెందిన 150 మందితో కూడిన బృందం తోడయింది.వీరప్పన్‌ ఆచూకీ ఎస్‌టిఎఫ్‌ బలగాలకు తెలిసినట్లు సమాచారం. ఈ సమాచారం మేరకు గాలింపు ముమ్మరం చేశారు.

శుక్రవారం రాత్రి ఇక్కడికి చేరుకున్న ఎన్‌ఎస్‌జి సభ్యులు శనివారం ఎస్‌టిఎఫ్‌ బలగాలతో కలిసివీరప్పన్‌ కోసం వేటాడుతున్నారు. ఇవ్వాళ్లో, రేపోవీరప్పన్‌ తమకు చిక్కుతాడని ఈ బలగాలు ఆశిస్తున్నాయి.ఈ నేపథ్యంలో నాగప్ప విడుదదల కోసం జైలులో ఉన్న తమిళ కార్యకర్త కొలత్తూరు మణినివీరప్పన్‌ వద్దకు దూతగా పంపడానికి కర్ణాటక ముఖ్యమంత్రి ఎస్‌.ఎం. కృష్ణ నిరాకరిస్తున్నారు.