బంగ్లాపై కివీస్‌ ఘనవిజయం

కొలంబో: ఐసిసి ఛాంపియన్‌ ట్రోఫీ చివరి లీగ్‌ మ్యాచ్‌లో న్యూజిలాండ్‌ బంగ్లాదేశ్‌పై ఘనవిజయం సాధించింది. సోమవారం జరిగిన ఈ మ్యాచ్‌లో న్యూజిలాండ్‌ బంగ్లాదేశ్‌పై 167 పరుగుల తేడాతో గెలుపొందింది. న్యూజిలాండ్‌ ఫాస్ట్‌ బౌలర్‌షేన్‌ బాండ్‌ ధాటికి బంగ్లాదేశ్‌ బ్యాట్స్‌మన్‌ నెలదొక్కుకోలేకపోయారు.

షేన్‌ బాండ్‌ నాలుగువికెట్లు పడగొట్టాడు. మొదట బ్యాటింగ్‌ చేసిన న్యూజిలాండ్‌ నిర్ణీత యాభై ఓవర్లలో తొమ్మిదివికెట్లు కోల్పోయి 244 పరుగులు చేసింది. ఈ లక్ష్యాన్ని ఛేదించడానికి బరిలోకి దిగిన బంగ్లాదేశ్‌ 77 పరుగులకే కుప్పకూలిపోయింది. ఈ గ్రూప్‌లో రెండు మ్యాచ్‌లు గెలిచిన ఆస్ట్రేలియా ఇప్పటికేసెమీ ఫైనల్‌కు చేరుకుంది. దీంతో సోమవారం న్యూజిలాండ్‌, బంగ్లాదేశ్‌ల మధ్య సోమవారం మ్యాచ్‌ నామమాత్రంగానే జరిగింది.సెమీ ఫైనల్‌లో ఆస్ట్రేలియా శ్రీలంకపై తలపడుతుంది.