పాస్‌ పోర్ట్‌ ల రీవెరిఫికేషన్‌ : దేవేందర్‌

హైదరాబాద్‌: క్రిమినల్‌ రికార్డ్స్‌ ఉన్న వ్యక్తల పాస్‌ పోర్ట్‌ ల రీవెరిఫికేషన్‌ జరుపుతామని రాష్ట్ర హోంశాఖ మంత్రి టి.దేవేందర్‌ గౌడ్‌ తెలిపారు. కర్నూలు పాస్‌ పోర్ట్‌ ల డెన్‌ గా మారడంతో రాష్ట్రప్రభుత్వం ఒక్కసారి ఉలిక్కిపడింది. అబూసలెం బృందానికి పాస్‌ పోర్ట్‌ లను జారీ చేసిన సంబంధిత అధికారులపై చర్య తీసుకున్నట్లు దేవేందర్‌ గౌడ్‌ సోమవారంవిలేకరులకు చెప్పారు.

క్రిమినల్‌ రికార్డ్స్‌ ఉన్న వ్యక్తల డాటా పూర్తిగాసేకరిస్తున్నామని, దీనికనుగుణంగా మళ్ళీ వెరీఫికేషన్‌ జరుపుతామని ఆయన అన్నారు. అలాగే వ్యవస్థలో ఉన్న లోపాలను కూడా సవరించేందుకు సమగ్ర పరిశీలన జరుపుతున్నామని ఆయన తెలిపారు. ఉన్నతాస్థాయి అధికారులతో కూడిన ఓ బృందం త్వరలోనేపరిశోధన జరిపి ప్రభుత్వానికి నివేదిక అందచేస్తుందన్నారు.

పాస్‌ పోర్ట్‌ ల జారీ కోసం వసూలు చేస్తోన్న ఫీజులో కొంత మొత్తం రాష్ట్ర పోలీసు శాఖకుఅందచేయాలని కేంద్ర హోంశాఖను కోరినట్లు మంత్రి తెలిపారు. దీనివల్ల పోలీసులు సమగ్రంగా వెరీఫికేషన్‌ చేయడానికి వీలవుతుందన్నారు.