కోయంబత్తూర్‌పేలుళ్ల నిందితుల కాల్చివేత

బెంగుళూర్‌: కోయంబత్తూర్‌ వరుస బాంబుపేలుళ్ల కేసులో నిందితులైన ఇమామ్‌ అలీని, అతని నలుగురు అనుచరులను తమిళనాడు పోలీసులు ఆదివారం తెల్లవారుజామున కాల్చివేశారు.కర్ణాటక, తమిళనాడు పోలీసులు సంయుక్త జరిపిన దాడి సందర్భంగా జరిగినఎన్‌కౌంటర్‌లో వారు మరణించారు. మరణించినవారిలో ఒక మహిళ కూడా ఉంది.

ఇమామ్‌ అలీ ఏడు నెలల క్రితం పోలీసు కస్టడీ నుంచి పారిపోయాడు. మదురై జిల్లా మేలూరుకు చెందిన ఇమామ్‌ అలీకి పాకిస్థాన్‌కు చెందిన ఐఎస్‌ఐ పాకిస్థాన్‌లోను, కాశ్మీర్‌లోను శిక్షణ ఇచ్చింది. బెంగుళూర్‌లోని సంజయ్‌ నగర్‌లో పోలీసులకు,మిలిటెంట్లకు మధ్య ఎదురు కాల్పులు జరిగాయని సిటీ జాయింట్‌ పోలీసు కమీషనర్‌ జె.వి. గోవాంకర్‌ చెప్పారు. సంఘటనా స్థలం నుంచిపెద్ద యెత్తున ఆయుధాలను, మందుగుండు సామగ్రినిస్వాధీనం చేసుకున్నట్లు ఆయన తెలిపారు.

మధురై సమీపంలోని తిరుమంగలం పోలీసు స్టేషన్‌ వద్ద సాయుధమిలిటెంట్ల సహకారంతో అలీ, అతని అనుచరుడు హైదర్‌ అలీ మార్చి 7వ తేదీన పోలీసు కస్టడీ నుంచి తప్పించుకుని పారిపోయారు.అప్పటి నుంచి ఈ ముఠా కోసం తమిళనాడు, కర్ణాటక, కేరళ, ఆంధ్రప్రదేశ్‌ పోలీసులుపెద్ద యెత్తున గాలింపు చర్యలు చేపట్టాయి. పరారీఅయిన రెండు రోజుల తర్వాత హైదర్‌ అలీ హైదర్‌ అలీ పోలీసుల ముందు లొంగిపోయాడు.వీరు పారిపోవడానికి సహకరించిన 23 మందిని పోలీసులుఅరెస్టు చేశారు.