కరీంనగర్‌ కాంగ్రెస్‌ పై లాఠీఛార్జి

కరీంనగర్‌ఃవిద్యుత్‌ కోతకు నిరసనగా కరీంనగర్‌ లో కాంగ్రెస్‌ పార్టీ చేపట్టిన ధర్నా హింసాత్మకంగా మారింది. నలుగురు ఎమ్మెల్ల్యేలు, స్థానిక నాయకుల సారధ్యంలో వందలాది మంది కాంగ్రెస్‌ కార్యకర్తలు మంగళవారంట్రాన్స్‌ కో కార్యాలయాన్ని ముట్టడించేందుకు ప్రయత్నించారు. పోలీసులు వారిని అడ్డుకున్నారు. అయితే కొందరు కార్యకర్తలు అడ్డదారిలో కార్యాలయంలోకి వెళ్ళి అధికారులనుఘెరావ్‌ చేశారు. దీంతో పోలీసులు లాఠీలు ఝుళిపించారు. ఈ లాఠీఛార్జీలో కాంగ్రెస్‌సీనియర్‌ నేత గాయపడ్డారు.

దీంతో రెచ్చిపోయిన కాంగ్రెస్‌ కార్యకర్తలు ప్రభుత్వం వాహనాలను ధ్వంసం చేశారు. పోలీసులపై రాళ్లు రువ్వారు. పరిస్థితి ఉద్రిక్తంగా మారడంతో పోలీసులుసీనియర్‌ నాయకులతో మాట్లాడి అక్కడి నుంచిఅందరినీ పంపించి వేశారు. తమ పట్ల పోలీసులు అమానుషంగా ప్రవర్తించారని కాంగ్రెస్‌ నేతలు ఆరోపించారు.