అక్షరధామ్‌ ద్వారాలు తెరుచుకున్నాయి

గాంధీనగర్‌: భక్తలు సందర్శనార్థం గుజరాత్‌లోని గాంధీనగర్‌లో గల అక్షరధామ్‌ తలుపులను శనివారం ఉదయం తెరిచారు. గత నెల 24వ తేదీనమిలిటెంట్లు ప్రవేశించి, విచక్షణారహితంగా కాల్పులు జరిపి భక్తులను పొట్టనపెట్టుకున్న తర్వాత అక్షరాధామ్‌ తలుపులు మూసేశారు.

సీనియర్‌ సన్యాసి, సంతుఈశ్వరచరణ్‌ స్వామి సమక్షంలో స్వామి నారాయణ దేవాలయం తలుపులను ఆరతి, శాంతి పథ్‌ అనంతరం ఉదయం గం.9.34 నిమిషాలకు తెరిచారు. ప్రధాన ఆలయానికి ఎడమ పక్కన ఉన్న ఎగ్జిబిషన్‌హాల్‌ను కూడా తెరిచారు. సాయుధ కేంద్ర రిజర్వ్‌ బలగాలకు చెందిన అధికారులు ప్రధానమైన స్థలాల్లో అప్రమత్తులై ఉన్నారు. భక్తుల భద్రత కోసం కట్టుదిట్టమైన ఏర్పాట్లు చేశారు.