విద్యుత్‌పై విభేదాలు లేవు: ఎమ్మెస్‌

రాజమండ్రి: ఉచితవిద్యుత్‌ సరఫరాపై పార్టీలో భేదాభిప్రాయాలు లేవని ప్రదేశ్‌ కాంగ్రెస్‌ కమిటీ(పిసిసి) అధ్యక్షుడు ఎం. సత్యనారాయణరావు అన్నారు. ఉచితవిద్యుత్‌ హామీపై ఈ నెల 19వ తేదీన చర్చించి పార్టీ పరంగా ఒక విధాన నిర్ణయాన్ని ప్రకటిస్తామని ఆయన శుక్రవారంవిలేకరులతో చెప్పారు. ఉచిత విద్యుత్‌ హామీపై పార్టీలో ఏకాభిప్రాయం సాధిస్తామని ఆయన చెప్పారు.

విద్యుత్‌ కోతపై, కరవు పరిస్థితులపై రాష్ట్ర ప్రభుత్వం వాస్తవాలు వెల్లడించడం లేదని ఆయనవిమర్శించారు. ప్రభుత్వ ప్రాధాన్యతలను విస్మరిస్తోందని ఆయన అన్నారు. నీరు,విద్యుత్‌ వంటి రంగాలను వదిలేసి ఐటి వంటివాటికి ప్రాధాన్యం ఇవ్వడంసరైంది కాదని ఆయన అన్నారు. మౌలిక సదుపాయాల కల్పనను కూడా ప్రభుత్వంవిస్మరిస్తోందని ఆయన అన్నారు. నీరు, విద్యుత్‌ వంటి రంగాలను అభివృద్ధి చేసినప్పుడే రాష్ట్రాలకు పరిశ్రమలు వస్తాయని, అప్పుడే రాష్ట్రాభివృద్ధి సాధ్యమవుతుందని ఆయన అన్నారు.