వాజ్‌పేయి పనితీరే ఎజెండా: వెంకయ్య

హైదరాబాద్‌: వచ్చే ఎన్నికల్లో ప్రధాని అటల్‌బిహారీ వాజ్‌పేయి పనితీరే తమకు ఎజెండా అవుతుందని భారతీయ జనతా పార్టీ (బిజెపి) అధ్యక్షుడుఎం. వెంకయ్యనాయుడు చెప్పారు. బిజెపి నేతృత్వంలో జాతీయ ప్రజాస్వామ్య కూటమి (ఎన్‌డిఎ) ప్రభుత్వం దేశాభివృద్ధే లక్ష్యంగా పని చేస్తోందని ఆయన శనివారం ఇక్కడవిలేకరుల సమావేశంలో అన్నారు.

గత నాలుగేళ్లలో తమ ప్రభుత్వం ఎన్నో సవాళ్లను సమర్థంగా ఎదుర్కున్నదని ఆయన చెప్పారు. తొలి ఏడాదిలో కార్గిల్‌ యుద్ధం, రెండో ఏడాదిలోఒరిస్సాను కుదిపేసిన పెనుతుఫాను, మూడో ఏడాదిలో గుజరాత్‌ను అతలాకుతలం చేసిన భూకంపం, నాలుగో ఏడాది కరువు వంటి సవాళ్లు ఎదురయ్యాయని,వీటన్నింటినీ తమ ప్రభుత్వం సవాల్‌గా స్వీకరించి పని చేసిందని ఆయన చెప్పారు. ఆర్థిక వ్యవస్థను చక్కదిద్దడంలో ప్రభుత్వంవిజయం సాధించిందని ఆయన చెప్పారు.