కులాసాపడ్డ వాజ్‌పేయి

తిరుపతి: నదీజలాల అనుసంధానంపై రాష్ట్ర బిజెపి చేస్తోన్న వ్యాఖ్యల పట్ల ముఖ్యమంత్రి చంద్రబాబు నాయుడు ఆగ్రహం వ్యక్తం చేశారు. గోదావరి-గంగ-కావేరి కలపాలని తాము ప్రయత్నిస్తుంటే..దానికి అడ్డపుల్ల వేసేలా కృష్ణా-గోదావరిని కలపాలంటూ రాష్ట్ర బిజెపి డిమాండ్‌ చేయడం హాస్యస్పదంగా ఉందని ఆయన అన్నారు. ఒక పద్దతి..పాడూ లేకుండా ఆ పార్టీ రాష్ట్ర నేతలు తలో మాట మాట్లాడుతున్నారని చంద్రబాబు శనివారం తిరుపతిలోవిమర్శించారు.

కేవలం కృష్ణా-గోదావరిని కలపడం వల్ల సమస్యలు తీరవని, గంగ-గోదావరి-కావేరిల అనుసంధానం వల్ల దేశంలో అనేక ప్రాంతాలు కరువుతో సతమతమవ్వాల్సిన బాధ తప్పుతుందనివివరించారు. ఇదే తమ ప్రభుత్వ ప్రాధామ్యాలలో ఇప్పుడు ప్రథమ స్థానం ఆక్రమించిందని ఆయన తెలిపారు. నదుల అనుసంధానం జాతీయ స్థాయిలో జరిగితేవిద్యుత్‌ కోత కూడా ఉండదన్నారు.