ఇక విజయవాడలోకూల్చివేతలు

విజయవాడ: రెండేళ్ళ క్రితం రాష్ట్ర రాజధానిలో హుడా, ఎంసిఎచ్‌ అధికారులు నగరాన్ని సుందరంగా తీర్చిదిద్దేందుకు కూల్చివేతల ప్రక్రియను చేపట్టారు. ఎంతోవివాదాన్ని సృష్టించిన ఈ ప్రక్రియ ఇప్పుడు విజయవాడలో కూడా చేపడుతున్నారు. ప్రభుత్వం, అధికారులు ఆక్రమణలను మాత్రమే కూల్చివేస్తున్నామని చెప్పినప్పటికీ పనిలో పనిగా రోడ్డుకు, నగరంఅందానికి అడ్డం అనుకొన్న ప్రతి భవనాన్ని హైదరాబాద్‌ లో కూల్చివేశారు.

బుధవారంవిజయవాడలోని ఎం.జి.రోడ్‌ వంటి ప్రధాన రహదారులతో పాటు ఇతర రహదారులలో ఆక్రమణలను తొలిగించారు. జిల్లా కలెక్టర్‌, ఎస్పీ, వుడా అధికారుల నేతృత్వంలోవీటిని కూల్చివేశారు. ప్లొక్లాయిన్‌ ల సహాయంతోపెద్ద పెద్ద భవానాలను తొలగించారు. అయితే, నష్టపోయిన వారందరికీ పరిహారం చెల్లిస్తున్నామని అధికారులుఅంటున్నారు. ఇందుకోసం మూడున్నర కోట్ల రూపాయలను కేటాయించామని తెలిపారు.