కలిసికట్టుగాఉందాం: ఎమ్మెస్సార్‌

అనంతపురం: రైతులకు ఉచితంగా కరెంట్‌ సరఫరా చేస్తామని కాంగ్రెస్‌ లెజిస్లేచర్‌ పార్టీ(సిఎల్‌పి) నేత డాక్టర్‌ వై.యస్‌. రాజశేఖర్‌ రెడ్డి ఇస్తున్న హామీ ఆచరణ సాధ్యం కాదని సిపిఎం రాష్ట్ర కార్యదర్శి బి.వి. రాఘవులు అన్నారు. కరవు పరిస్థితులపై అనంతపురం పార్టీ ఏర్పాటు చేసిన ధర్నా కార్యక్రమంలో ఆయన శనివారం ప్రసంగించారు.

ఉచిత విద్యుత్‌అందించడం వల్ల మంచి కన్నా చెడు ఎక్కువగా జరుగుతుందని ఆయన అభిప్రాయపడ్డారు. ఉచితంగా ఇవ్వడం కన్నా ప్రభుత్వం సబ్సిడీ ఇచ్చే పద్ధతిపై రైతులకు కరెంట్‌ సరఫరా చేస్తే బాగుంటుందని ఆయన అన్నారు. రైతులందరికీ ఉచితవిద్యుత్‌ అందించాలనే కాంగ్రెస్‌ డిమాండ్‌ సరైంది కాదని, రైతు స్థాయిని బట్టి సహాయంఅందించాల్సి ఉంటుందని, భూస్వాములకు, పేద రైతులందరికీ ఉచితవిద్యుత్‌ అందించే పద్ధతి మంచిది కాదని ఆయన అన్నారు.

సాగునీటి ప్రాజెక్టులే కరవు శాశ్వత నివారణకు మార్గాలని ఆయన అన్నారు. వ్యవసాయ కూలీల వలసలను నివారించడానికి పనికి ఆహారం పథకాన్ని పునరుద్ధరించాలని ఆయనకోరారు.