బాబు, హరికృష్ణల కలయిక

హైదరాబాద్‌: ముఖ్యమంత్రి చంద్రబాబునాయుడు, తన బావమరిది హరికృష్ణను ఓ బహిరంగ వేదికపై చాలా కాలం తర్వాత కలుసుకొని ముచ్చటించారు. హరికృష్ణ టీడీపీ నుంచి దూరమయ్యాకవీరిద్దరూ కలిసి ఒకే వేదికపై కూర్చోవడం ఇదే ప్రథమం. ఈ సంఘటన ఆదివారం రాత్రి హైదరాబాద్‌ లో జరిగింది. వేదిక: షాలిమర్‌ ఫంక్షన్‌హాల్‌. సందర్భం: నందమూరి తారకరత్న నటించిన యువరత్న చిత్రం ఆడియో విడుదల కార్యక్రమం.

ఈ చిత్రం ఆడియో విడుదల కార్యక్రమానికి నందమూరి కుటుంబంఅంతా విచ్చేసింది. విలేకరులను, సినిమా ప్రముఖలను పక్కనపెడితే..ఆ కార్యక్రమం దాదాపు ఎన్టీఆర్‌ కుటుంబం వ్యక్తిగత కార్యక్రమంలా జరిగింది. బాలకృష్ణ, హరికృష్ణ, చంద్రబాబు నాయుడు పక్కపక్కన కూర్చొని రెండు గంటల తరబడి మాట్లాడుకోవడంవిశేషం.

ఈ ముగ్గురి కలయికను కెమెరాలో బంధించేందుకులెన్స్‌ మెన్‌ పోటీపడ్డారు. ఎన్టీఆర్‌ మరో అల్లుడు దగ్గుబాటి వెంకటేశ్వరరావు మాత్రం చడీ చప్పుడు చేయకుండా దూరంగా..ఆహ్వానితుల మధ్య ఒకడిగా కూర్చొన్నారు. చంద్రబాబునాయుడు కుటుంబ సభ్యులందరికీ నమస్కరించినా దగ్గుబాటి దగ్గరికి వెళ్ళి మాట్లాడలేదు.