ఆర్టీసీ ఛార్జీలుఇప్పట్లో పెరగవు

శ్రీనగర్‌: కాంగ్రెస్‌సీనియర్‌ నేత మన్మోహన్‌ సింగ్‌ సోమవారంనాడుపీపుల్స్‌ డెమొక్రటిక్‌ పార్టీ (పిడిపి) అధ్యక్షుడు ముఫ్తీ మహ్మద్‌ సయీద్‌తో రెండో విడత చర్చలు జరిపారు. ఈ చర్చలు కూడా ముఖ్యమంత్రి పదవిపై నెలకొన్న ప్రతిష్టంభనను తొలగించలేకపోయాయి.

ముఫ్తీ మహ్మద్‌ సయీద్‌తో గంటన్నర చర్చల అనంతరం మన్మోహన్‌ సింగ్‌ జమ్మూ కాశ్మీర్‌ పిసిసి అధ్యక్షుడు గులాం నబీ ఆజాద్‌తో కలిసి ఢిల్లీకి బయలుదేరి వెళ్లారు. చర్చలవివరాలను ఆయన పార్టీ అధిష్ఠానానికి వివరిస్తారు.

కొన్ని సూచనలు వచ్చాయని, అయితే వాటి గురించి ఇప్పుడు ఏమీ చెప్పలేనని, చర్చలవివరాలను అధిష్ఠానానికి వివరించిన అనంతరం నిర్ణయం తీసుకుంటామని మన్మోహన్‌ సింగ్‌ అన్నారు. దాదాపుగా అన్నిఅంశాలపై ఇరు పక్షాలు తమ వాదనలను ముందుపెట్టాయని, ఈ చట్రంలో చర్చలు కొనసాగుతాయని ఆయన సమావేశానంతరంవిలేకరులతో అన్నారు. ఇరు పక్షాల మధ్య జరిగిన చర్చలవివరాలను వెల్లడించడానికి ఆయన నిరాకరించారు. పిడిపితో కలిసి సంకీర్ణం ఏర్పాటు చేయగలమనే ఆశలున్నాయా అని అడిగితే ఆశ వదులుకోవాల్సిన పని లేదని ఆయన సమాధానమిచ్చారు.

సామరస్యపూర్వక వాతావరణంలో చర్చలు జరిగాయని, అయితే కనీస ఉమ్మడి కార్యక్రమంపై చర్చల్లో చెప్పుకోతగినపురోగతి సాధించలేదని సమావేశానంతరం పిడిపి వైస్‌ ప్రెసిడెంట్‌ ముజఫర్‌ బేగ్‌ అన్నారు. ముఖ్యమంత్రి పదవిని పడిపి ప్రాంతీయం చేయడం లేదని ఆయన అన్నారు.