ప్రతిపక్షంలో కూర్చుంటాం: పిడిపి హెచ్చరిక

శ్రీనగర్‌: ముఖ్యమంత్రి పదవి తమకు ఇవ్వాలన్న డిమాండ్‌ కు కాంగ్రెస్‌ తలొగ్గకపోతే, అవసరమైతే ప్రతిపక్షంలోకూర్చోవడానికి సిద్దమని పీపుల్స్‌ డెమాక్రటిక్‌ పార్టీ తెలిపింది. ప్రాంతీయ అవసరాలను, మనోభావాలను తుంగలో తొక్కడం అసంభవమని పిడిపి నాయకురాలు మెహబూబా ముఫ్తీవిలేకరులకు చెప్పారు. ప్రభుత్వ ఏర్పాటుపై మంగళవారం పిడిపి వైఖరి ఇది.

మరోవైపు ప్రభుత్వ ఏర్పాటుపై ఈ సాయంత్రం కాంగ్రెస్‌ అధ్యక్షురాలు సోనియాగాంధీ ఆ పార్టీసీనియర్‌ నేతలతో చర్చలు జరపనున్నారు.స్వతంత్ర అభ్యర్థుల సాయంతో స్వంతంగా కాశ్మీర్‌ లో ప్రభుత్వాన్ని ఏర్పాటు చేయాలన్న వాదన కాంగ్రెస్‌ లో బలపడుతోంది.

కాంగ్రెస్‌ దూత మన్మోహన్‌ సింగ్‌, గులాంనబీ ఆజాద్‌ లు సోనియాకు పరిస్థితినివివరించారు. అయితే, పిడిపి మాత్రం తన సీఎం పదవివిషయంలో మొండిగానే వ్యవహరిస్తోంది.