బిఇడి కాలేజ్‌ లపై అమీతుమీ

విశాఖపట్నం: ఈ ఏడాది బిఇడి అడ్మిషన్లపై జరుగుతోన్న ఆందోళనకు తెరదించాలని ప్రభుత్వం కృతనిశ్చయంతో ఉంది. కొత్త కాలేజ్‌ ల్లో అడ్మిషన్ల విషయంలో నెలకొన్న గందరగోళం కారణంగా ఈ ఏడాది ఇప్పటివరకు అడ్మిషన్ల ప్రక్రియ మొదలుకాలేదు. ఎడ్‌ సెట్‌ ను నిర్వహించి నాలుగు నెలలు పూర్తవుతున్నా ఇప్పటివరకు అడ్మిషన్‌ ను చేపట్టకపోవడతో విద్యార్థులు ఆందోళన చేస్తున్నారు.

అయితే, కొత్త కాలేజ్‌ ల్లో అడ్మిషన్‌ లు నిర్వహించే విషయంలో జాతీయ విద్యాభోదన కౌన్సిల్‌ నుంచి ఉత్తర్వ్యు కోసం ఎడ్సెట్‌ కమిటీ వేచి చూస్తోందని ఎడ్‌ సెట్‌ కన్వీనర్‌ వై.ఎస్‌.సింహాద్రి చెప్పారు.

ఆంధ్రా యూనివర్సిటీకి చెందిన ప్రోఫెషర్‌ సింహాద్రి ఒకేసారి అడ్మిషన్లు నిర్వహించాలని పట్టుదలగా ఉన్నారు. ఈ సారి రెండు, మూడు విడతల అడ్మిషన్ల ప్రక్రియ ఉండదని చెప్పాడు.