పార్లమెంటుపై దాడి కేసువిచారణకు దెబ్బ

న్యూఢిల్లీ: చట్ట నిబంధనల ప్రకారం పొందనందున నిందితుల మధ్య జరిగిన టెలిఫోన్‌ సంభాషణలు ఉగ్రవాద నిరోధక చట్టం (పొటా) కింద సాక్ష్యాలుగా పనికి రావని ఢిల్లీ హైకోర్టు బుధవారం స్పష్టం చేసింది. దీంతో పార్లమెంటుపై జరిగిన దాడి కేసు ప్రాసిక్యూషన్‌కు ఎదురుదెబ్బ తగిలింది.

నిందితులు ఎస్‌.ఎ.ఆర్‌. జిలానీ, షౌకత్‌ హుస్సేన్‌ అలీ అలియాస్‌ గురు, నవజోత్‌ సంధు అలియాస్‌ అఫ్సన్‌ల మధ్య జరిగిన టెలిఫోనిక్‌ సంభాషణలను పొటా కింద సాక్ష్యాలుగా అంగీకరిస్తూ ప్రత్యేక కోర్టు జారీ చేసిన ఆదేశాలను ఢిల్లీ హైకోర్టు త్రోసిపుచ్చింది. ప్రత్యేక కోర్టు జులై మూడవ తేదీన జారీ ఆదేశాలను ముగ్గురు నిందితులు హైకోర్టులో సవాల్‌ చేశారు. దీంతో హైకోర్టు ప్రత్యేక కోర్టు ఆదేశాలను త్రోసిపుచ్చింది.