నెల్లూరు ఆస్పత్రి నుంచి పసికందు మాయం

నెల్లూరు: నెల్లూరులోని ప్రభుత్వ ప్రసూతి ఆస్పత్రిలో రెండు రోజుల పాప మాయమైంది. నెల్లూరు జిల్లా అమ్మోరుపాలెం గ్రామానికి చెందిన నిర్మల అనే మహిళ రెండు రోజుల క్రితం పసిపాపకు జన్మనిచ్చింది. గురువారం రాత్రి పాప ఏడుస్తుండటంతో తాను సముదాయిస్తానని ఒక మహిళ ఆ పాపను తీసికెళ్లిందని, ఆ మహిళ తనను శ్రీకాకుళం జిల్లాకు చెందిన సుశీలగా పరిచయం చేసుకుందని నిర్మల చెబుతోంది. ఆస్పత్రివర్గాల నిర్లక్ష్యం వల్లనే పాప పోయిందని నిర్మల బంధువులు విమర్శిస్తున్నారు.

ఇంతకు ముందు ఈ ఆస్పత్రి నుంచి ఒక పసి బాబు కూడా మాయమయ్యాడు. కానిస్టేబుల్‌ కుమారుడిని ఎవరో ఎత్తుకెళ్లారు. అయితే ఆ బాబు తిరిగి దొరికాడు. అయితే పసికందు మాయం కావడంలో తమ నిర్లక్ష్యం ఏమీ లేదని ఆస్పత్రి వర్గాలంటున్నాయి. ఇంత ఆస్పత్రికి ఒకే వాచ్‌మన్‌ వున్నాడని, అందువల్ల రోగులు ఎవరి జాగ్రత్తలో వారు ఉండాల్సిన అవసరం వుందని ఆస్పత్రి వర్గాలు వాదిస్తున్నాయి.