కరీంనగర్‌: ఆడపిల్లను కన్నందుకు ఓ భర్త భార్యను ఆస్పత్రిలోనే వదిలేసి వెళ్లిపోయిన సంఘటన కరీంనగర్‌ జిల్లా వేములవాడ మండలం తిప్పాపూర్‌ గ్రామంలో జరిగింది. నరేందర్‌ అనే వ్యక్తికి రేణుకతో ఎనిమిదేళ్ల క్రితం పెళ్లయింది. మొదటిసారి రేణుకకు మగబిడ్డ పుట్టి చనిపోయాడు. రెండో కాన్పులో ఆడపిల్ల పుట్టింది. ఆ తర్వాత కూడా మళ్లీ రేణుకకు ఆడపిల్లనే పుట్టింది.

ఆడపిల్ల పుట్టడంతో కోపగించిన నరేందర్‌ భార్య రేణుకను ఆస్పత్రిలోనే వదిలేసి వెళ్లిపోయాడు. మగబిడ్డ పుడితేనే ఇంటికి రావాలంటూ చెప్పి అతను వెళ్లిపోయాడు. దీంతో రేణుక దిక్కుమొక్కు లేక ఆస్పత్రిలోనే వుండిపోయింది. కన్నీరుమున్నీరుగా విలపిస్తోంది.