నగరంలో కాన్సెప్ట్ స్కూళ్ల మేళా

హైదరాబాద్: ప్రభుత్వ-ప్రైవేట్ సంయుక్త యాజమాన్యంలో ప్రారంభించనున్న రూరల్ రెసిడెన్షియల్ స్కూళ్లకోసం శనివారం నగరంలోని ఒక స్టార్ హోటళ్లో కాన్సెప్ట్ మేళా జరిగింది. ఈ మేళాలలో ముఖ్యమంత్రి వైయస్ రాజశేఖర్ రెడ్డి, ఉన్నతాధికారులు, రాష్ట్ర వ్యాప్తంగా ఔత్సాహికులు హాజరయ్యారు. ప్రతి నియోజకవర్గానికి ఒక రూరల్ స్కూల్ ను కేటాయించిన ప్రభుత్వం ప్రతి స్కూల్ కోసం 30 నుంచి 50 ఎకరాల ప్రభుత్వ భూమిని కేటాయించనున్నట్టు ముఖ్యమంత్రి తెలియజేశారు.